Kahalagahan ng Kasanayan sa Paghahalaman

Ang kaalaman at kasanayan sa pagtatanim ay nakatutulong sa mag-anak upang maragdagan ang kita at mapangalagaan ang kapaligiran.


Narito ang mga pakinabang ng pagtatanim:

* Ang mga mag-anak na may halaman ay tiyak na nakatitipid dahil hindi na nila bibilhin ang iba nilang pangangailangang pagkain.

* Tiyak na sariwa at mataas na uri ang kanilang kakainin dahil sila ang nagtanim.

* Ang kapaligirang may iba't ibang halaman at mga puno ay makakabuti sa ating kalusugan.

* Ang mga halaman at puno ang pipigil sa madaling pag-agos ng tubig at sasangga sa hangin kung may bagyo.

* Ang pagtatanim ay isang paraan ng pagpapalipas ng malayang oras na makatutulong sa kalusugan ng ating katawan at maayos na kapaligiran.

* Hanapbuhay ng maraming Pilipino ang pagtatanim  ng iba't ibang uri ng halaman. Madaragdagan ang pagkaing panustos sa bansa.